მომავალ პარლამენტში დეპუტატები პოლიტიკურ განცხადებებს სამშაბათის ნაცვლად ოთხშაბათს გააკეთებენ. აღნიშნული პარლამენტის ახალი რეგლამენტის პროექტშია გათვალისწინებული.

პროექტის თანახმად, სასესიო კვირის ყოველ ოთხშაბათს, დღის წესრიგის დამტკიცების შემდეგ, პარლამენტის წევრებს 30 წუთი განცხადებებისთვის დაეთმობათ. აღნიშნული დრო სხდომის თავმჯდომარის გადაწყვეტილებით, გამომსვლელების რაოდენობის შესაბამისად შესაძლოა, გახანგრძლივდეს არა უმეტეს 30 წუთისა. პარლამენტის ცალკეული წევრის განცხადების ხანგრძლივობა 5 წუთს არ უნდა აღემატებოდეს. მათთვის გამოყოფილი დროის გაზრდა დაუშვებელია.

პარლამენტის ახალი რეგლამენტი სესიაზე მომავალ კვირაში განიხილება.