წინასაარჩევნო პერიოდში, პოლიტიკური პარტიების მიერ დედაქალაქში სააგიტაციო მასალის გავრცელებასთან დაკავშირებით, თბილისის საკრებულო მზად არის ყველა  საინტერესო ინიციატივის განსახილველად. ამის შესახებ ჟურნალისტებს თბილისის საკრებულოს წევრმა „ნაციონალური მოძრაობიდან“ კოკი იონათამიშვილმა განუცხადა.

მისი განმარტებით, წინასაარჩევნო პერიოდში სააგიტაციო მასალის განთავსებაზე წესებს სხვადასხვა ნორმატიული აქტი არეგულირებს. თუმცა, მისი თქმით, ამ საკითხზე სხვა საინტესეო ინიციატივებიც განიხილება და მათი გათვალისწინება მოხდება.
,,ამ ეტაპზე მნიშველოვანი ორი საკითხია. პირველი - წინასაარჩევნო პერიოდში პოლიტიკურ სუბიექტებს შორის თანასწორობა და მეორე - სააგიტაციო მასალის განთავსების შედეგად ქალაქის იერსახის დამახინჯებისგან დაცვა“ - განაცხადა იონათამიშვილმა.
პოლიტიკური პარტიების ცენტრალური საარჩევნო კომისიის და თბილისის საკრებულოსა და მერიის წარმომადგენლებს შორის საარჩვენო საკითხებთან დაკავშირებით შეხვედრა სასტუმრო ,,ქორთიარდ მერიოტში“ იმართება.
შეხვედრაზე მხარეები წინასაარჩევნო პერიოდში პოლიტიკური პარტიების მიერ, საზოგადოებრივი თავშეყრის ადგილებში სააგიტაციო პლაკატების განთავსების წესებს განიხილავენ.