26 აპრილს პარლამენტში სამთავრობო საათი გაიმართება. 4 მინისტრის საკანონმდებლო ორგანოში მისვლის შესახებ განცხადება დღეს პარლამენტის თავმჯდომარე დავით ბაქრაძემ გააკეთა.
რაც შეეხება იუსტიციის მინისტრს ზურაბ ადეიშვილს, დავით ბაქრაძის თქმით, შეიძლება სხდომაზე ისიც მივიდეს.
პარლამენტის თავმჯდომარის განმარტებით, ზურაბ ადეიშვილთან დაკავშირებით ოფიციალურ ინფორმაციას სამინისტრო მას ხვალ მიაწვდის.
ოპოზიციური ფრაქცია პარლამენტში 5 მინისტრს იბარებს. ფრაქცია „ერთობა სამართლიანობისთვის“ ინიციატივით პარლამენტში იუსტიციის მინისტრი ზურაბ ადეიშვილი, შს მინისტრი ვანო მერაბიშვილი, სასჯელაღსრულების მინისტრი ხათუნა კალმახელიძე, კულტურის მინისტრი ნიკოლოზ რურუა და განათლების მინისტრი დიმიტრი შაშკინია დაბარებული.
ხუთშაბათს, სამთავრობო საათი 17.00–ზე დაიწყება.