„სახალხო კრების“ წევრი თემურ ლომსაძე და საზოგადოება „მემორიალის“ თავჯდომარე გურამ სოსელია პოლიტიკური რეპრესიის მსხვერპლთა სოციალურ დაცვას სახელმწიფოს პრიორიტეტად მიიჩნევენ.
როგორც ლომსაძემ დღეს გამართულ პრესკონფერენციაზე განაცხადა, საბჭოთა პერიოდიდან დღემდე, პოლიტიკური რეპრესიის მსხვერპლთა დევნა დღევანდელი ხელისუფლების მიერ და მათი უფლებების შელახვა ხდება.
„თუ სახელმწიფოში პრივილეგირებული ჯგუფები იარსებებენ, მაშინ უპირველესად მათ პოლიტიკური რეპრესიის დროს დაზარალებული საზოგადოება უნდა წარმოადგენდეს“- განაცხადა ლომთაძემ.
საზოგადოება „მემორიალის“ თავმჯდომარის განცხადებით კი, „საქართველოს მოქალაქეთა პოლიტიკური რეპრესიის მსხვერპლად აღიარებისა და რეპრესირებულთა სოციალური დაცვის შესახებ“ კანონში დაწესებული შეღავათები 2005 წლიდან მოიხსნა.
მისი თქმით, აღნიშნულ გადაწყვეტილებას ისეთი შეღავთების ანულირება მოჰყვა, როგორებიცაა აუცილებელი სამედიცინო დაზღვევა, ტრანსპორტით უფასო მგზავრობა, კომუნალურ გადასახადებზე 50%- შეღავათები და ა შ.
„დღეს რეპრესირებულთა აბსოლუტური უმრავლესობა თვლის, რომ ხელისუფლების მიერ შექმნილი კანონით კომპენსაციის მიღების მცდელობას აზრი არ აქვს“ - განაცხადა სოსელიამ.
მისივე თქმით, პოლიტრეპრესირებულთა უფლებების დაცვისადმი ხელისუფლების ამგვარი დამოკიდებულება, მათ რეალურ სახეს აჩვენებს.
„სახალხო კრება“ პოლიტრეპრესირებულთა უფლებების დარღვევის შეწყვეტას და კანონით გათვალისწინებული შეღავათების აღდენას მოითხოვს.