გერმანია საქართველოს მომავალშიც დაუჭერს მხარს ევროკავშირთან დაახლოებაში. აღნიშნული განცხადება გერმანიის საგარეო საქმეთა მინისტრის მოადგილემ კორნელია პიპერმა ჟურნალისტებთან საუბრისას გააკეთა.

პიპერის თქმით, მნიშვნელოვანია, რომ საქართველო ევროკავშირთან დაახლოებით დაინტერესებულია და ამ პროცესში წარმატებულ ნაბიჯებს დგამს.

„გერმანია პირველი ქვეყანა იყო, რომელმაც საქართველოს დამოუკიდებლობა აღიარა, ჩვენ სხვადასხვა სფეროში ორმხრივი მჭიდრო ურთიერთობები გვაქვს. ასევე, წარმატებით ვთანამშრომლობთ საგარეო კუთხითაც“- განაცხადა კორნელია პიპერმა.

დელეგაციის ვიზიტი გერმანია-საქართველოს შორის დიპლომატიური ურთიერთობების დამყარების 20 წლისთავის ფარგლებში ხორციელდება.
მარტში საქართველოში გერმანიის საგრეო საქმეთა მინისტრი გუიდო ვესტერველე იმყოფებოდა.
კორნელია პიპერი განათლებისა და მეცნიერების მინისტრს დიმიტრი შაშკინს შეხვდება. ვიზიტი ხვალ დასრულდება.