სახალხო დამცველი გიორგი ტუღუში ბანკ "ქართუსთან" დაკავშირებით პოზიციის დაფიქსირებისთვის მომავალი წლის ანგარიშს  არ დაელოდება. ამის შესახებ მან პარლამენტის დღევანდელ სხდომაზე ფრაქცია "ერთობა სამართლიანობისთვის" საპასუხოდ განაცხადა.
"ქართუსთან" დაკავშირებით ტუღუშის პოზიციით დეპუტატი გიორგი ცაგარეიშვილი დაინტერესდა.
სახალხო დამცველის განცხადებით, მას რამდენიმე დღის წინ ბანკის წარმომადგენლებთან შეხვედრა ჰქონდა და მათგან გარკვეული ბროშურა მიიღო.
გიორგი ტუღუში ამბობს, რომ ბანკ "ქართუსთან" დაკავშირებულ საკითხებზე მისი მხრიდან რეაგირება აუცილებლად იქნება.
"გპირდებით, რომ ჩვენი მხრიდან სრული რეაგირება მოჰყვება და სახალხო დამცველი წარმოადგენს საკუთარ ხედვას" – განმარტა ტუღუშმა.