საქართველოს მოქალაქეები 27 აპრილიდან სლოვაკეთის ვიზებს თბილისში, ლიტვის საელჩოში აიღებენ. ამის შესახებ სლოვაკეთის საგარეო საქმეთა მინისტრმა მიროსლავ  ლაიჩაკმა საქართველოს საგარეო საქმეთა მინისტრ გრიგოლ ვაშაძეს ბრატისლავაში გამართულ შეხვედრაზე განუცხადა.
აქამდე, სლოვაკეთის ვიზები საქართველოს მოქალაქეებისთვის ანკარაში და კიევში გაიცემოდა.
დღეს გამართულ შეხვედრაზე მხარეებმა ორმხრივი თანამშრომლობის საკითხები და ჩიკაგოს 2012 წლის ნატოს სამიტისთვის მზადების პროცესიც განიხილეს.
ყურადღება IშAF-ის ფარგლებში თანამშრომლობასა და 2014 წლის შემდეგ ავღანეთში პოლიტიკური სტაბილურობის შენარჩუნებისა და ეკონომიკური განვითარების მიზნით ურთიერთქმედების აუცილებლობაზეც გამახივლდა.
საგარეო საქმეთა სამინისტროს ინფორმაციით, შეხვედრაზე ევროკავშირსა და საქართველოს შორის ასოცირების ხელშეკრულების საკითზებიც განიხილეს.