პოლიტიკური პარტია „თავისუფალი საქართველოს“ ლიდერი კახა კუკავა საზოგადოებას და ბიზნესმენებს პარტიის ფინანსური მხარდაჭერისკენ მოუწოდებს.
კახა კუკავას თქმით, პარტიისთვის შემოწირულობების განსაკუთრებულ წყაროდ, შესაძლოა, საზღვარგარეთ მოქმედი ქართველი ბიზნესმენების შემოწირულობები იქცეს.
„საქართველოში ბიზნესი ხელისუფლების მიერ დღეს მთლიანად კონტროლდება, ერთადერთი წყარო, რომელსაც დღეს ხელისუფლება ვერ აკონტროლებს საზღვარგარეთ მყოფი ქართველი მოქალაქეები არიან, მოვუწოდებ საზოგადოებას პარტიის მხარდაჭერისაკენ ამას კანონიც ითვალისწინებს“ - განაცხადა კახა კუკავამ.
მისივე განმარტებით, პარტიისთვის შემოწირული ფინანსები მთლიანად გამჭვირვალე იქნება, ორ კვირაში ერთხელ კი - მედიისთვის სპეციალური პრეზენტაცია მოეწყობა, სადაც შემოსული თანხებისა და მათი ხარჯვის შესახებ საზოგადოებას სრული ინფორმაცია მიეწოდება.
კახა კუკავამ ასევე აღნიშნა, რომ ამ ეტაპზე პარტიას თანხები განსაკუთრებით ესაჭიროება. „თავისუფალ საქართველოს“ დღეს 10 მოქმედი ოფისი აქვს საქართველოს მასშტაბით, კიდევ 20-25 ოფისის გახსნა იგეგმება, თუმცა, სულ 73 ოფისია საჭირო.