საზოგადოებრივი მოძრაობა "ამომრჩეველთა ლიგის" ერთ-ერთი ლიდერის კახა მიქაიას პატიმრობის ათდღიანი ვადა დღეს იწურება.
ამის შესახებ "ნიუსპრესს" საზოგადოებრივი მოძრაობა "ამომრჩეველთა ლიგიდან" აცნობეს.
მიქაიას დასახვედრად ჩხოროწყუში "ამომრჩეველთა ლიგის" წევრები - გია გაჩეჩილაძე, ბიძინა გეგიძე და დათო რურუა გაემგზავრნენ.
"ამომრჩველთა ლიგის" ინფორმაციით, კახა მიქაია ერთ-ერთი პირველი იყო, ვინც ხელისუფლება და "ახალაიების კლანი" უკანონო შეიარაღებული ფორმირებების შექმნის მცდელობაში ამხილა.
საზოგადოებრივი მოძრაობა მის დაპატიმრებას სწორედ აღნიშნულ ფაქტს უკავშირებს. ზუგდიდის სასამართლოს ეზოში ის "თავისუფალი დემოკრატების" წევრის სერგო ჩაჩიბაიას დაპატიმრების ფაქტს აპროტესტებდა, როდესაც ყოველგვარი ახსნა განმარტების გარეშე დააკავეს.

















