საქართველოს საგარეო საქმეთა მინისტრი გრიგოლ ვაშაძე 11 თებერვალს ავღანეთის რესპუბლიკის საგარეო საქმეთა მინისტრ ზალმაი რასულს შეხვდა, სადაც  მხარეებმა განსაკუთრებული ყურადღება გაამახვილეს სავაჭრო-ეკონომიკური ურთიერთობების განვითარებაზე.
ავღანეთის მხარემ ქართველ მშვიდობისმყოფელთა მიერ ავღანეთში მშვიდობისა და სტაბილურობის დამყარების საქმეში შეტანილი წვლილის გამო მადლიერება გამოხატა და გამოთქვა იმედი, რომ ავღანეთში საერთაშორისო სამშვიდობო ოპერაციების დასრულების შემდეგ ავღანეთ-საქართველოს ურთიერთობები კვლავაც აქტიურად გაგრძელდება.
შეხვერდაზე შეთანხმდნენ, რომ ორ ქვეყანას შორის თანამშრომლობის პრიორიტეტული სფეროების განსაზღვრისა და სავაჭრო-ეკონომიკური კავშირების გაღრმავების მიზნით, მხარეები დაიწყებენ მუშაობას ერთობლივი ეკონომიკური კომისიის შექმნაზე.
გრიგოლ ვაშაძე ავღანეთის მხარეს ქვეყნის შემდგომი განვითარებისა და აღმშენებლობის საქმეში მხარდაჭერას დაპირდა.
მხარეებმა ხელი მოაწერეს ოქმს საგარეო უწყებებს შორის თანამშრომლობის შესახებ.
ვიზიტის ფარგლებში ასევე გაიმართა საგარეო საქმეთა მინისტრ გრიგოლ ვაშაძის შეხვედრები IშAF - ის სარდალთან, გენერალ ჯ. ალენთან, IშAF -ის ოპერაციების შტაბის ხელმძღვანელის მოადგილესთან, გენერალ-მაიორ ს. მაკფარლანდთან და IშAF - ის აშშ-ს სატრანსპორტო ძალების სარდალთან, გენერალ უ. ფრეიზერთან. საუბარი შეეხო საქართველოს სამშვიდობო ძალების მონაწილეობას ავღანეთში მიმდინარე IშAF-ის სამხედრო ოპერაციებში
საგარეო საქმეთა მინისტრი გრიგოლ ვაშაძე ავღანეთის ისლამურ რესპუბლიკაში 11-12 თებერვალს სამუშაო ვიზიტით იმყოფებოდა.