ქართულ-რუსული ომის წამოწყების საფრთხე კვლავაც არ გამოირიცხება. ეს განცხადება "ეხო მოსკვისთვის" მიცემულ ინტერვიუში საქართველოს  ეროვნული უშიშროების საბჭოს მდივანმა გიგა ბოკერიამ გააკეთა.

ბოკერიამ აღნიშნა, რომ რუსეთს არ მოსწონს საქართველოს დემოკრატიული კურსი და ალიანსში გაწევრიანების პერსპექტივა, რაზეც სექტემბერში რუსეთის მიერ დაგეგმილი მასშტაბური წვრთნებიც მიუთითებს.

რუსეთი სწავლება "კავკაზ 2012-ის" ჩატარებას სექტემბერში გეგმავს.
რუსეთის თავდაცვის სამინიტროს ინფორმაციით, სწავლებას სამხედრო სფეროში რეფორმის გატარების მხრივ განსაკუთრებით დიდი მნიშვნელობა ექნება და მასში ჩაერთვება ყველა სახის ელექტრო და კოსმოსური დაზვერვისა და კავშირის საშუალებები, უპილოტო აპარატურა და შეიარაღება.
საქართველოს საპარლამენტო უმრავლესობამ "კავკასია 2012-ზე" კომენტარი უკვე გააკეთა და განაცხადა, რომ ამ წვრთნებით რუსეთის ფედერაცია თავის აგრესიულ პოლიტიკას განაგრძობს და სიტუაციის დაძაბვას ცდილობს. დეპუტატები მიიჩნევენ, რომ აუცილებელია საქმეში საერთაშორისო საზოგადოების ჩართვა.