"ამომრჩეველთა ლიგის" დამფუძნებელ კრებაზე პოლიტიკოსი კოკა გუნცაძე დღეს სოლიდარობის ფონდის შექმნის ინიციატივით გამოვიდა.

მისი თქმით, ეს იქნება საერთო-სამოქალაქო სოლიდარობის ფონდი, რომელიც სამართლიანობისთვის მებრძოლ ოჯახებს დაეხმარება.

"სწორედ ამიტომ შევიკრიბეთ აქ, რომ ერთხელ და სამუდამოდ დავძლიოთ შიში და დათრგუნულობა. ამისთვის მთავარი ძალა სოლიდარობაა, როცა ყველა იბრძვის ერთისთვის და ერთი ყველასთვის" - განაცხადა გუნცაძემ.

მისივე თქმით, "ამომრჩეველთა ლიგა" ძალიან მალე საერთო სახალხო მოძრაობად გადაიქცევა, რომელიც მთელ საქართველოს მოიცავს და გაიმარჯვებს.
ამომრჩეველთა ლიგაში ლევან გაჩეჩილაძე, გია გაჩეჩილაძე, გია ყარყარაშვილი და გოგა ხაინდრავა გაერთიანდებიან. ლიგის დამფუძნებლები კი - მსახიობი ნანა შონია, პოლიტიკოსი კოკა გუნცაძე და ლევან ჩიკვაიძე არიან.