ომბუდსმენის გიორგი ტუღუშის 650 გვერდიანი ანგარიში პარლამენტში უკვე შევიდა.
ადამიანის უფლებების მდგომარეობის შესახებ სახალხო დამცველის 2011 წლის ანგარიში  საკანონმდებლო ორგანოს საორგანიზაციო დეპარტამენტში ომბუდსმენის აპარატის წარმომადგენელმა წარადგინა.
ანგარიშში განსაკუთრებით დიდი ადგილი უკავია პენიტენციურ სისტემაში არსებულ პრობლემებს, ადამიანის უფლებათა დარღვევებს, იძულებით გადადგილებულ პირთა მდგომარეობას, ოკუპირებულ რეგიონში მცხოვრებ პირთა უფლებებს, ბავშვებისა და ქალთა მდგომარეობას.
ანგარიშში ასევე საუბარია შეზღუდული შესაძლებლობის მქონე პირთა უფლებებსა და სოციალურად დაუცველ პირებზე.
ანგარიშს პარლამენტის ადამიანის უფლებათა დაცვის კომიტეტი განიხილავს, შემდეგ კი, მას პლენარულ სხდომაზე გიორგი ტუღუში წარადგენს.