"მწვანეთა პარტია" საქართველოში ბირთვული და რადიაციული უსაფრთხოების სფეროში მიღწეული პროგრესის თაობაზე მიხეილ სააკაშვილის მიერ სეულის სამიტზე გაკეთებულ განცხადებას სიყალბეს უწოდებს.
როგორც პარტიის მიერ გავრცელებულ განცხადებაშია ნათქვამი, ბირთვული უსაფრთხოების სფეროში საქართველოს პროგრესი არ აქვს, რადგან "ბირთვული და რადიაციული უსაფრთხოების შესახებ" კანონში ცვლილებები შედის და დასაშვები ხდება ბირთვული ობიექტების, მათ შორის, ატომური სადგურების მშენებლობა. "მწვანეები" კანონპროექტის განხილვის შეჩერებას მოითხოვენ.
"მიხეილ სააკაშვილის სიტყვა პროგრესთან დაკავშირებით, საერთაშორისო თანამეგობრობისთვის თვალში ნაცრის შეყრაა" - ნათქვამია განცხადებაში.
"მწვანეთა პარტია" ბირთვული უსაფრთხოების სეულის სამიტის, გაერო-ს, აშშ-სა და ევროკომისიისგან ბირთვული უსაფრთხოების სფეროში ზოგიერთი ქვეყნისთვის ბირთვული ტექნოლოგიების მიწოდების აკრძალვას მოითხოვს.
