საქართველოში ამერიკის შეერთებული შტატების მომავალი ელჩის სიტყვას ჯერჯერობით, არანაირი პოლიტიკური დატვირთვა არა აქვს.  ამ განცხადებით საგარეო საქმეთა მინისტრი გრიგოლ ვაშაძე საქართველოში აშშ-ს მომავალი ელჩის რიჩარდ ნორლანდის მიერ სენატში გაკეთებულ განცხადებას გამოეხმაურა.
ვაშაძის თქმით, სენატის საგარეო ურთიერთობათა კომიტეტის სხდომაზე განცხადებები არავის გაუკეთებია. ნორლანდს შეკითხვებს უსვამდნენ და ელჩი, რომელიც ჯერ არ არის საქართველოში დანიშნული, უბრალოდ პასუხობდა.
"მის სიტყვებს ჯერჯერობით არანაირი პოლიტიკური დატვირთვა არ აქვს. საქართველო-აშშ-ს ურთიერთობა ემყარება სტრატეგიული პარტნიორობის შესახებ ქარტიას. ორი ქვეყნის პოლიტიკური კურსი მათ ურთიერთობაზეა დამყარებული და არა რომელიმე ერთ ფიგურასა და მის განცხადებებზე" - განაცხადა ვაშაძემ.
21 მარტს აშშ-ს სენატის საგარეო ურთიერთობათა კომიტეტის სხდომაზე საქართველოში ამერიკის მომავალმა ელჩმა რიჩარდ ნორლანდმა განაცხადა, რომ კონტროლის პალატის ე.წ როლი, პარტიათა დაფინანსების კანონი დიდი შეშფოთებას იწვევს საქართველოში და საერთაშორისო თანამეგობრობაშიც.