საქართველოში არსებულ ზამთრის კურორტებს მალე ბახმაროს, უშგულის, ეწერისა და სხვა სათხილამურო კურორტები შეემატება.
როგორც დღეს გუდაურში სტუმრობისას საქართველოს პრეზიდენტმა მიხეილ სააკაშვილმა განაცხადა, ეს არა შორეული, არამედ 2015 წლის მოდერნიზაციის გეგმაა.
"შენდება თეთნულდის კურორტი, აუცილებლად გავაკეთებთ უშგულს და ეწერსა და ჭუბერს. სვანეთი ძირითადად, ევროპელ ტურუსტებზე იმუშავებს. გუდაური კი - თავის მხრივ უნიკალურია იმის გამო, რომ თბილისის აეროპორტთან ახლოსაა. გზა გავაკეთეთ სვანეთშც, როგორც კი ქუთაისის აეროპორტი ამოქმედდება, მას დიდი პერპექტივა ექნება" - აღნიშნა სააკაშვილმა.
მისი განცხადებით, მნიშვნელოვანია ის, რომ ზამთრის კურორტები სწორედ იმ ადგილებში შენდება, სადაც ხალხს ყველაზე მეტად უჭირს
"იქ სადაც ზამთრის კურორტი შენდება ხალხი მთელი წლის განმავლობაში დასაქმდება. იქ, სადაც სათხილამურო კურორეტებია, სიღარიბე არ არის. საქართველოში სადაც დღეს სათხილამურო კურორტები შენდება ყველაზე მეტი სიღარიბეა. ვფიქრობ, რომ რამდენიმე ასეული მილიონი ჩაიდება ჩვენს კურორტებში და ათობით ათას ადამიანს დავასაქმებთ" - განაცახადა პრეზიდენტმა.
გუდაურში დღეს ახალი სათხილამურო ტრასა გაიხსნა. იქ პრეზიდენტი მეუღლესთან და თბილისის მერთან ერთად იმყოფებოდა.
მიხეილ სააკაშვილმა დღესვე, გუდაურის განვითრების ფონდში შეტანილი წვლილისთვის ფონდის 9 წარმომადგენელი დააჯილდოვა და ღირესების ორდენები მათ პირადად გადასცა.