პარლამენტის ჯანდაცვის კომიტეტის თავმჯდომარის მოადგილე მაგდა ანიკაშვილისთვის უცნობია, აქვს თუ არა ზურაბ ჭიაბერაშვილს რაიმე შეხება ჯანდაცვის სფეროსთან.

როგორც ანიკაშვილი აცხადებს, იგი გაოცებულია მედიაში გავრცელებული ინფორმაციით, ზურაბ ჭიაბერაშვილის ჯანდაცვის მინისტრად შესაძლო დანიშვნასთან დაკავშირებით.

"ჭიაბერაშვილზე, როგორც დიპლომატზე დადებით კონტექსტში შემიძლია საუბარი, თუმცა, აქვს თუ არა მას სამედიცინო სფეროსთან რაიმე შეხება, ჩემთვის უცნობია" - განაცხადა ანიკაშვილმა.

მისივე შეფასებით, ზოგადად ნეგატიურ დამოკიდებულებას იწვევს, როდესაც თანამდებობაზე ინიშნება პირი, რომელსაც შესაბამის სფეროსთან შეხება არა აქვს.

გასულ კვირას "ქრისტიან-დემოკრატებმა" პარლამენტში ჯანდაცვის მინისტრის ანდრია ურუშაძის პასუხისმგებლობის საკითხი დასვეს. ვრცელდება ინფორმაცია, რომ ამ თანამდებობას საქართველოს ელჩი შვეიცარიაში ზურაბ ჭიაბერაშვილი დაიკავებს.