"ქრისტიან-დემოკრატიული" მოძრაობა თბილისში უნარშეზღუდული ადამიანების გადაადგილებისთვის საჭირო ინფასტრუქტურის მოწესრიგებას ითხოვს.
როგორც დღეს მეტროსადგურთან "თავისუფლების მოედანი" გამართულ ბრიფინგზე მოძრაობის მდივანმა ზაზა გაბუნიამ განაცხადა, საჭიროა ქალაქში ამისთვის შესაბამისი ხიდები და პანდუსები გაკეთდეს, რათა უნარშეზღუდულმა ადამიანებმა გადაადგილება და დანიშნულების ადგილამდე მისვლა შეძლონ.
"ამასთანავე, საზოგადოებრივ ტრანსპორტში, მათ შორის მეტროში, სპეციალური მოწყობილობები უნდა დამონტაჟდეს, რადგან მსგავსი შესაძლებლობების ადამიანებმა მგზავრობა დამოუკიდებლად და დაუბრკოლებლად მოახერხონ" - განაცხადა მან.
გაბუნიას თქმით, "ქრისტიან-დემოკრატების" ფრაქცია დედაქალაქის საკრებულოში ამ საკითხს დიდი ხანია სვამს, თუმცა, პრობლემა ჯერ არ მოგვარებულა.