საქართველოს პრემიერ-მინისტრი ბიძინა ივანიშვილი, ქუთაისში მომხდარ ინცინდენტთან დაკავშირებით განცხადებას აქვეყნებს და მოსახლეობას თავშეკავებისკენ მოუწოდებს.
„ჩვენ პასუხისმგებლობის მქონე ხელისუფლება ვართ და ვგმობთ ნებისმიერ აგრესიას, ვის მიმართაც არ უნდა ხორციელდებოდეს იგი.
ოპონენტების მიმართ აგრესია და დაპირისპირება, სამწუხაროდ, წინა წლებში დამკვიდრებული პრაქტიკაა და დღეს სწორედ ამის შედეგებს ვიმკით.
მოვუწოდებ ჩვენს მოსახლეობას, თავი შეიკავონ ყოველგვარი დაპირისპირებისაგან, არ აყვნენ პროვოკაციებს და შეინარჩუნონ სიმშვიდე“ - ნათქვამია პრემიერის პრესსამსახურის მიერ გავრცელებულ განცხადებაში.
ივანიშვილი სამართალდამცავ ორგანოებს მიმართავს, რათა დროულად გამოიძიონ ყველა კანონდარღვევა და სამომავლოდ მსგავსი პროვოკაციები აღკვეთონ.