საქართველოს პრემიერ–მინისტრი ბიძინა ივანიშვილი, აშშ სახელმწიფო მდივნის მეორე მოადგილეს დემოკრატიის, ადამიანის უფლებების და შრომის საკითხებში, ტომას მელიას შეხვდა.

შეხვედრას ასევე ესწრებოდნენ დემოკრატიის, ადამიანის უფლებებისა და შრომის საკითხებში ბიუროს წარმომადგენელი ვენდი სილვერმანი, აშშ–ის საერთაშორისო განვითარების
სააგენტოს ადმინისტრატორის თანაშემწე ევროპისა და ევრაზიის საკითხებში პეიჯ
ალექსანდერი, აშშ–ის იუსტიციის დეპარტამენტის საზღვარგარეთ პროკურატურის
განვითარების, დახმარებისა და ტრეინინგის განყოფილების წარმომადგენელი ქეთრინ
ნიუქომბი.

„ეს იყო ჩვენი რიგით მეორე შეხვედრა. პირველად არჩევნებამდე რამდენიმე კვირით
ადრე შევხვდით. შეხვედრამ ძალიან საინტერესოდ ჩაიარა და ვფიქრობ,
ამერიკა–საქართველოს შორის ურთიერთობები კიდევ უფრო გაღრმავდება“ – აღნიშნა
შეხვედრის შემდეგ ბიძინა ივანიშვილმა.