პარლამენტის ევროპასთან ინტეგრაციის კომიტეტის თავმჯდომარე ვიქტორ დოლიძე, დღეს ეროვნულ-დემოკრატიული ინსტიტუტის ხელმძღვანელს ლუის ნავაროს შეხვდა.
შეხვედრა გაცნობითი ხასიათის იყო და მასზე კომიტეტისა და NDI-ს სამომავლო თანამშრომლობის პერსპექტივებზე ისაუბრეს.
„NDI- საქართველოში ახორციელებს პარლამენტის გაძლიერების პროგრამას. იგი დიდი ხანია აქტიურად არის ჩართული დემოკრატიული ინსტიტუტების მშენებლობაში. ვისაუბრეთ თუ როგორ არის შესაძლებელი სამუშაო სპექტრის გავაფართოება საპარლამენტთაშორისო ურთიერთობების, საზოგადოებასთან ურთიერთობის და თანამშრომელთა ტრენინგების მოწყობის თვალსაზრისით. დარწმუნებული ვარ ახლო მომავალში ეს ურთიერთობა კიდევ უფრო გაღრმავდება“ - განუცხადა ვიქტორ დოლიძემ ჟურნალისტებს შეხვედრის დასრულების შემდეგ.