პარლამენტის დიასპორისა და კავკასიის საკითხთა კომიტეტის თავმჯდომარე გუბაზ სანიკიძე, საქართველოში აზერბაიჯანის საგანგებო და სრულუფლებიან ელჩს აზერ ჰუსეინს შეხვდა.

პარლამენტის პრესსამსახურის ცნობით, შეხვედრაზე მხარეებმა საქართველოს და აზერბაიჯანს შორის არსებული სტრატეგიული ურთიერთობებისა და სამომავლო გეგმებისა და თანამშრომლობის ასპექტები განიხილეს.

გუბაზ სანიკიძის განცხადებით, ელჩი მზადაა ქმედითი როლი ითამაშოს საქართველოში მცხოვრები ეთნიკური აზერბაიჯანელების პრობლემების მოგვარებაში და ამ მოგვარებადი პრობლემების გადაწყვეტა ერთობლივად მოხდება.

"ჩვენ მეგობრობას და სტრატეგიულ პარტნიორობას არაფერი ემუქრება და არ არსებობს ძალა, რომელიც შეძლებს შეარყიოს საქართველოს და აზერბაიჯანის ურთიერთობები“ - განაცხადა სანიკიძემ.