გლდანის მაჟორიტარმა დეპუტატმა სოსო ჯაჭვლიანმა, სოციალურ ქსელებში, მისი ავტომანქანის ფოტოების გავრცელებაზე კომენტარი გააკეთა.
„მე 20 წლის განმავლობაში ერთი „ჯიპი“ კი არა რამდენიმე მყავდა და მყავს. 2005 წელს, როდესაც ეს მთავრობა უკვე მოსული იყო, სამხრეთ-აფრიკაში ვიყავი მსოფლიო ჩემპიონატზე და როდესაც დავბრუნდი ახალთ-ახალი მანქანა ამ მთავრობამ გარაჟიდან მომპარა. ამ ყველაფრის დამამტკიცებელი საბუთები მე გამაჩნია. სცენარების კონკურსში როდესაც გავიმარჯვე, სახელმწიფომ მომცა გრანტი და ეს გრანტი კაპიკ-კაპიკ ისევ სახელმწიფოს დავუბრუნე, რათა მე არ მინდოდა სახელმწიფო ბიუჯეტიდან გამეხარჯა თანხა მიუხედავად იმისა რომ ჩემი მოგებული იყო, რატომ მაშინ არ ლაპარაკობდნენ ამაზე? როდესაც მე ფილმებს ვიღებდი, რამდენიმე ასეული ადამიანი დავასაქმე და ინვესტიცია შემოვიტანე საქართველოში ამ ინვესტიციით სულ ცოტა 10-20 მანქანის შეძენა შემეძლო. წინა მანქანა რომელიც მყავდა უფრო ძვირიანია ვიდრე ის რაც ახლა მყავს“ - განაცხადა სოსო ჯაჭვლიანმა ჟურნალისტებათან საუბრის დროს.

რამდენიმე დღის წინ სოციალურ ქსელში ჯაჭვლიანის, „ჯიპის“ ტიპის ავტომანქანის ფოტოები გავრცელდა.