საქართველოს პრემიერ-მინისტრმა ბიძინა ივანმიშვილმა, პოლიტიკიდან მისი წასვლის შესახებ დღეს ჟურნალისტებთან შეხვედრაზე კომენტარი გააკეთა.

„მე ადრეც ვთქვი, რომ 2014 წლის გაზაფზულზე, როდესაც ადგილობრივი თვითმმართველობის არჩევნები ჩატარდება, ვაპირებ პოლიტიკიდან წასვლას და ამ პოზიციას არ ვცვლი, თუმცა ჩემს ამ განცხადებას პრესაში არაერთგვაროვანი რეაქციები მოჰყვა. მათ შორის ზოგიერთის ინტერპრეტაციით, პოლიტიკიდან წასვლას ვაპირებდი იმიტომ, რომ შემდგომში ისევ დავბრუნებულიყავი. მე არსად არ გავრბივარ, პოლიტიკიდან მხოლოდ გამარჯვებული წავალ იმ შემთხვევაში, თუ ჩავთვლით, რომ ყველაფერი კარგადაა. მე წასვლის წინ საზოგადოებასთან განმარტებებს გავაკეთებ იმის შესახებ თუ სად წავალ და რატომ წავალ, მაგრამ თუ ამის მზაობა არ იქნება და კითხვები დაისმება იმის შესახებ, რომ გუნდმა შეიძლება ვერ მოახერხოს იმ დანაპირების შესრულება რაც ჩვენ მოსახლეობას მივეცით, ასეთ შემთხვევაში არსადაც არ წავალ“ - განაცხადა ივანიშვილმა.

მისივე თქმით, ის, იმ პასუხისმგებლობას, რაც წინასაარჩევნო დაპირებების სახით გასცა დაიტოვებს და უფრო რთულ - საზოგადოებრივ სექტორში გადავა.