საქართველოს საგარეო საქმეთა მინისტრი მაია ფანჯიკიძე, საქართველოში საფრანგეთის რესპუბლიკის საგანგებო და სრულუფლებიან ელჩს რენო სალენსს შეხვდა.
საგარეო საქმეთა სამინისტროს პრესსამსახურის ინფორმაციით, შეხვედრის დაწყებამდე საფრანგეთის ელჩმა საქართველოს ახლადდანიშნულ საგარეო საქმეთა მინისტრს, საფრანგეთის საგარეო საქმეთა მინისტრის ლორან ფაბიუსის მილოცვის წერილი გადასცა.
ოფიციალური ინფორმაციით, შეხვედრაზე მხარეებმა განიხილეს საქართველოსა და საფრანგეთს შორის არსებული ორმხრივი და მრავალმხრივი ურთიერთობების მნიშვნელოვანი საკითხები, ეკონომიკური თანამშრომლობის პერსპექტივები, ასევე ევროკავშირთან და ნატოსთან საქართველოს ურთიერთობების საკითხები.

















