თბილისის საკრებულოს ფრაქცია „ქრისტიან-დემოკრატების“ თავმჯდომარე ზაზა გაბუნია კონტროლის პალატას უნდობლობას უცხადებს და თბილისის ბიუჯეტის საფინანსო შემოწმებას მოწვეული აუდიტორის მიერ მოითხოვს.

ამის შესახებ გაბუნიამ საკრებულოში გამარულ პრეს-კონფერენციაზე განაცხადა. ის აუდიტის სამსახურში მომხდარ საკადრო ცვლილებასაც შეეხო, რომელთა შედეგად ადგილობრივი თვითთმართველი ერთეული ბიუჯეტის აუდიტის დეპარტამენტის უფროსად, ნაციონალური მოძრაობიდან წინა მოწვევის პარლამენტის წევრი ბჟან ბუცხრიკიძე დაინიშნა.
გაბუნია მიიჩნევს რომ ამ გადაწყვეტილებით „ნაციონალური მოძრაობა“ მის ხელთ ჯერ კიდევ არსებულ შესაძლებლობების გამოყენებას შეეცდება საიმისოდ, რომ ადგილობრივი თვითმმართველი ერთეულების საბიუჯეტო საქმიანობასთან დაკავშირებით, რომლის მიმართაც ბევრი შეკითხვაა, მისთვის პოლიტიკურად სასურველი სურათი შექმნას“- განაცხადა გაბუნიამ

„მე როგორც ფრაქციის თავმჯდომარე, ჩემს ფრაქციასთან ერთად უნდობლობას ვუცხადებ აუდიტის სამსახურის საქმიანობას და თბილისის ბიუჯეტთან დაკავშირებით საფინანსო შემოწმებას საქართველოს ორგნული კანონის „ადგილობრივი თვითმმართველობების შესახებ“ 57-ე მუხლის მე-2- ე პუნქტის შესაბამისად, მოწვეული აუდიტორის მიერ ვითხოვ შემოწმების ჩატარებას“- აღნიშნა გაბუნიამ.