ტელეკომპანია „რუსთავი 2“-ის ახალი გენერალური მდივანი ნიკა გვარამია მიიჩნევს, რომ „არანაირი საფუძველი არ აქვს, ტელეკომპანია "რუსთავი-2"-ის მფლობელების კანონიერებაში ეჭვი შეიტანოს.“

გვარამიას თქმით „არხის ძველი მფლობელების დავებთან დაკავშირებით ინფორმაციას არ ფლობს და რეესტრის ამონაწერის უტყუარობას“ ენდობა.

მისივე თქმით, "არხის 51 პროცენტის მფლობელია ტელეკომპანია "საქართველო", რომელიც რეალურად აღარ არის ტელეკომპანია მას შემდეგ, რაც კუთვნილი სიხშირე სხვა იურიდიულ პირზე გაასხვისა. კიდევ ერთხელ განვმარტავ, რომ იმ იურიდიულ პირთან, რომელსაც "საქართველომ" სიხშირე მიჰყიდა, "რუსთავი-2"-ს და მის დამფუძნებლებს არავითარი სამართლებრივი ბმა არ აქვთ. ტელეკომპანია "საქართველოს" დამფუძნებლები ლევან და გიორგი ყარამანიშვილები არიან, რომლებიც "რუსთავი-2"-ის დამფუძნებლებიც არიან. შესაბამისად "რუსთავი-2"-ის დამფუძნებელ ფიზიკურ პირებს თუ ჩამოვთვლით, მათ წარმოადგენენ ლევან და გიორგი ყარამანიშვილები და გოგი გეგეშიძე. ტელეკომპანია "საქართველოდან" კი დარჩა მხოლოდ მისი ქონება, რომელიც "რუსთავი-2"-ს შეერწყა და ქონებრივად გაძლიერდა. მას დაემატა ახალი შენობა, აპარატურა და რიგი სტუდიებისა" - განაცხადა ნიკა გვარამიამ ჟურნალისტებთან შეხვედრაზე.