ახლადმოწვეულმა პარლამენტმა დღეს მუდმივმოქმედი 15 კომიტეტის თავმჯდომარეები აირჩია.

კომიტეტების თავმჯდომარეები კოალიცია „ქართული ოცნების“ წარმომადგენლები არიან.

პარლამენტის 84 დეპუტატის გადაწყვეტილებით, აგრარულ საკითხთა კომიტეტის თავმჯდომარედ აირჩეულ იქნა გიგლა აბულაშვილი. ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარედ 91 ხმით არჩეულია ეკა ბესელია.

განათლების, მეცნიერებისა და კულტურის კომიტეტის თავმჯდომარედ 82 ხმით - ივანე კიღურაძე, გარემოს დაცვისა და ბუნებრივი რესურსების კომიტეტის თავმჯდომარედ 82 ხმით - ზურაბ ზვიადაური, დარგობრივი ეკონომიკისა და ეკონომიკური პოლიტიკის კომიტეტის თავმჯდომარედ 88 ხმით - ზურაბ ტყემალაძე, დიასპორისა და კავკასიის საკითხთა კომიტეტის თავმჯდომარედ 84 ხმით - გუბაზ სანიკიძე, ევროპასთან ინტეგრაციის კომიტეტის თავმჯდომარედ 88 ხმით - ვიქტორ დოლიძე, თავდაცვისა და უშიშროების კომიტეტის თავმჯდომარედ 86 ხმით - ირაკლი სესიაშვვილი, იურიდიულ საკითხთა კომიტეტის თავმჯდომარედ 90 ხმით - ვახტანგ ხმალაძე, რეგიონული პოლიტიკისა და თვითმმართველობის კომიტეტის თავმჯდომარედ 90 ხმით - ერეკლე ტრიპოლსკი, საგარეო ურთიერთობათა კომიტეტის თავმჯდომარედ 89 ხმით - თედო ჯაფარიძე, საპროცედურო საკითხთა და წესების კომიტეტის თავმჯდომარედ 89 ხმით - ირინე იმერლიშვილი, საფინანსო-საბიუჯეტო კომიტეტის თავმჯდომარედ 85 ხმით - დავით ონოფრიშვილი, სპორტისა და ახალგაზრდობის საქმეთა კომიტეტის თავმჯდომარედ 90 ხმით - ლერი ხაბელოვი და ჯანმრთელობის დაცვისა და სოციალურ საკითხთა კომიტეტის თავმჯდომარედ 87 ხმით არჩეულია დიმიტრი ხუნდაძე.

კენჭისყრის დაწყებამდე რეგისტრიტრაცია გაიარა 134 დეპუტატმა. საპარლამენტო უმცირესობის დიდი ნაწილი კენჭისყრაში არ მონაწილეობდა.