დეპუტატი ჯონდი ბაღათურია საპარალამენტო საგამოძიებო კომისიის შექმნის ინიციატივას დიპლომატიურ კორპუსსა და სამოქალაქო საზოგადოებას გააცნობს. ამის შესახებ მან "პრაიმ ტაიმის" პრესკლუბში სტუმრობისას განაცხადა.

მისი თქმით, ქვეყანაში არსებული სიტუაციიდან გამომდინარე აუცილებელია, პარლამენტში ანტიკორუფციული საგამოძიებო კომისია შეიქმნას , რომელიც პრეზიდენტის, მისი გარემოცვის და ოჯახის წევრების კორუფციულ საქმიანობას შეისწავლის.

ჯონდი ბაღთურიას განმარტებით, იგი ჩინოვნიკების კორუფციული საქმიანობის დამამტკიცებელ კონკრეტულ დოკუმენტებს ფლობს და კომისიის საქმიანობა სწორედ ამ დოკუმენტებს დაეყრდნობა.
ასევე, ბაღათურია ყველა არასამთავრობო ორგანიზაციას და მოქალაქეს სთხოვს, მთავრობის წევრების კორუფციული საქმიანობის დამადასტურებელი დოკუმენტები მიაწოდონ.

ბაღთურია დიპლომატიურ კორპუსთან შეხევდრას 9 მარტს გეგმავს.