logo2
logo2
არქივი
« აგვისტო 2022 »
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
logo2
logo2
გიორგი ცუცქირიძე: ტურისტების მკვლელობები სხვაგანაც მომხდარა, მაგრამ ის რეაქცია რასაც ჩვენ პარტიულ ტელევიზიების მიერ ამ მკვლელობის გაშუქებისას ვხედავთ, საერთოდ სცილდება ჟურნალისტიკის კრედოს და ბიოპოლიტიკის ელემენტში გადადის
გიორგი ცუცქირიძე: ტურისტების მკვლელობები სხვაგანაც მომხდარა, მაგრამ ის რეაქცია რასაც ჩვენ პარტიულ ტელევიზიების მიერ ამ მკვლელობის გაშუქებისას ვხედავთ, საერთოდ სცილდება ჟურნალისტიკის კრედოს და ბიოპოლიტიკის ელემენტში გადადის
21:32 01.08.2021
“რასაც ჩვენ პარტიულ ტელევიზიებად ქცეულ ე.წ კრიტიკული მედიის მიერ ამ მკვლელობის გაშუქებისას ვხედავთ, საერთოდ სცილდება ჟურნალისტიკის კრედოს და ბიოპოლიტიკის ელემენტში გადადის, მისთვის დამახასიათებელი საზოგადოებრივ ცნობიერზე ზემოქმედების მედია ტერორის მთელი არსენალით მთლიანად ხელისუფლებაზე გადაბრალების გზით” - წერს სოციალურ ქსელში ექსპერტი გიორგი ცუცქირიძე.

ექსპერტის თქმით, სოციალურ ქსელებში მიზანმიმართულად ხდება ტურიზმის ჩავარდნაზე აქცენტირება, მთელი ეს კამპანია ღიად არის მიმართული ოცნების რეიტინგის კლებაზე, ასევე აქცენტირებულია ეკონომიკური სიტუაციის გაუარესება.

გიორგი ცუცქირიძის შეფასებით საქართველოს წინააღმდეგ ნამდვილი ჰიბრიდული ომი მიმდინარეობს.

"ავსტრალიელი ტურისტი გოგონას საზარელი მკვლელობა, გვახსენებს კრიმინალის სახიფათო ხასიათსაც და საზოგადოების გამოწვევასაც წარმოადგენს. ტურისტების მსგავსი მკვლელობები სხვაგანაც მომხდარა და რეზონანსულიც გამხდარა წლების მანძილზე, მაგრამ ის რეაქცია რასაც ჩვენ პარტიულ ტელევიზიებად ქცეულ ე.წ კრიტიკული მედიის მიერ ამ მკვლელობის გაშუქებისას ვხედავთ, საერთოდ სცილდება ჟურნალისტიკის კრედოს და ბიოპოლიტიკის ელემენტში გადადის, მისთვის დამახასიათებელი საზოგადოებრივ ცნობიერზე ზემოქმედების მედია ტერორის მთელი არსენალით და ამ შემთხვევის მთლიანად ხელისუფლებაზე გადაბრალებით. ცალკე თემაა სოცქსელები, სადაც მიზანმიმართულად ხდება ტურიზმის ჩავარდნაზე აქცენტირება, spend your summer in georgia(გაატარე ზაფხული საქართველოში) სლოგანის პერიფრაზირებით, სადაც სიტყვა spend გადაკეთებულია SP-END ით ანუ დასასრულით, ავსტრალიელი ტურისტი გოგონას ტრაგიკულად დაღუპვის გამო. მთელი ეს კამპანია ღიად ატარებს რა წინასაარჩევნო ხასიათს, ოცნების რეიტინგის ვარდნაზე და ეკონომიკური სიტუაციის გაუარესებაზეა აქცენტირებული. ტრაგედიებით სპეკულირება ნაცკლასტერის და მხარდამჭერი მედია საშუალებების შესრულებით ახალი არ არის. მთავარი მესიჯბოქსებიც, თბილისი სიკვდილის ქალაქი, სწორედ ამას ემსახურება, ხელისუფლების დემონიზაციით ტურისტული სეზონის ჩაგდებას პირველ რიგში. სამწუხაროდ, ტურისტების მკვლელობები და მოტაცებები არც თუ იშვიათია, მსოფლიოში მათ შორის ამერიკის შეერთებულ შტატებში და ევროპაშიც კი. ამის მრავალი მასალა არსებობს. სპეციალური საინფორმაციო ინტერნეტ ვებ-გვერდიც არის შექმნილი/touristkilled. com/, რომელიც ფოკუსირებულია მთელ მსოფლიოში ტურისტთა გარდაცვალების, დაკარგვის, გატაცების, დაზიანებების ინფორმაციაზე. აღნიშნულ ვებ-გვერდზე წითლად არის მონიშნული ის ქვეყნები, სადაც ამ ტიპის კრიმინალური ისტორიები ხშირია, და ნიშანდობლივია, რომ საქართველო ამ წითელ ზოლში საერთოდ არ გადის. მეორეც, მე ვერ ვიხსენებ რომელიმე ქვეყნის ისტორიას, სადაც ტურისტებზე თავდასხმების კრიმინალური ისტორიები პოლიტიკური სპეკულირების და ანტისახემწიფო კამპანიის ნაწილი გამხდარიყოს, ან აშშ ში და ან თუნდაც ნორვეგიაში, ბრეივიკის ცნობილი სისხლიანი კალოს დროსაც კი. წლის პირველ ნახევარში ეკონომიკის ზრდის საშუალო წლიური მაჩვენებელი სარეკორდო 12.7 პროცენტია, რამაც სამუშაო ადგილების შენარჩუნებასთან ერთად, სავალუტო კურსის სტაბილურობაც უზრუნველყო. რაც მთავარია, ამ ზრდის წამყვანი ფაქტორი, ადგილობრივ ექსპორტთან ერთად, ტურისტული ინდუსტრია გახდა, რომელმაც იმაზე სწრაფად დაიწყო აღდგენა, ვიდრე ნავარაუდები იყო, და რამაც მის მკვებავ დარგებზე სინერგიული ეფექტი იქონია. მიმდინარეობს ნამდვილი ჰიბრიდული ომი საქართველოს წინააღმდეგ. პარლამენტის და ევრომედიაციის დოკუმენტის ბოიკოტირებით, მუდმივი საბოტაჟის და ობსტრუქციის რეჟიმში ქვეყნის შეყვანა, ერთადერთ მიზანზე დესტაბილიზაციის გამოწვევის და ხელისუფლების ძალადობრივი დამხობის მცდელობაზეა გათვლილი. ვადამდელიც ამ სცენარის ნაწილია. ანტივაქსერულ კამპანიასთან ერთად, ამ ტრაგიკული კრიმინალური მოვლენის ქრონიკად გადაქცევის მცდელობაც, ეკონომიკის ახალ ჩაკეტვას, ტურისტული სეზონის ჩავარდნას და შესაბამისად არჩევნების წინ, ეკონომიკური სიტუაციის გაუარესებას ემსახურება. და თუ ვის ინტერესშია ეს ყველაფერი, თუ არა რუსეთის არც ამას უნდა დიდი მიხვედრა. აღსანიშნავია, რომ ვაქცინაციის მიზანდასახული ხელშეშლა, რასაც ცალკეული პროპაგანდისტული ჯგუფები ეწევიან, ავტომატურად ნიშნავს ეკონომიკის გაჩერებასაც. მეოთხე პანდემიურ ფაზაში შესვლით, თუ ვაქცინაციის პროგრამა ჩავარდა, მთავრობა იძულებული გახდება ახალი ლოკდაუნი გამოაცხადოს, რაც ეკონომიკას ზრდის ფაზიდან ისევ ვარდნის ფაზაში გადაიყვანს, თანმდევი ნეგატიური შედეგებით, უმუშევრობის ზრდით, ბიუჯეტის დეფიციტის გარღვევით თუ სავალუტო კურსის რყევით, ინფლაციის მაღალ ნიშნულზე შენარჩუნებით გაზრდილი სამომხმარებლო ფასებით, რაც ისევ მოსახლეობის გადასახდელი იქნება’’ - წერს ექსპერტი facebook - ზე.

FaceBook Twitter Digg MySpace Delicious Google ელფოსტაბეჭდვა

ინტერვიუ
Pleas creat article
ინტერვიუ
Pleas creat article
ინტერვიუ
საზოგადოებრივი მაუწყებლის რა ქონება გაასხვისა თამარ კინწურაშვილმა და რა ფასად - ჟურნალისტური მოკვლევა
13:52 23.10.2019
საზოგადოებრივი მაუწყებლის ყოფილი გენერალური დირექტორი, შემდგომში გიგა ბოკერიას
ინტერვიუ
ინტერვიუ სალომე ზურაბიშვილთან: დავით-გარეჯთან დაკავშირებით ზოგიერთი მხარის რეაქციები ძალიან გამიკვირდა
18:10 01.05.2019
ინტერვიუში საქართველოს პრეზიდენტი სალომე ზურაბიშვილი ქვეყნის პოლიტიკურ ცხოვრებაში საკუთარ როლზე, მეზობელ
ინტერვიუ
აშშ - ნატოს წევრი თუ ნატოს „ხაზეინი“?-ინტერვიუ თურქ გენერალთან
13:38 20.04.2019
ყველამ კარგად იცის, თუ რა წონა აქვს ამერიკის შეერთებულ შტატებს ნატოში და რა ძალას ფლობს ვაშინგტონი. ეს ყველაფერი
ინტერვიუ
ინტერვიუ ჰანს ბინენდაიკთან: ნატოში გაწევრიანება დღეს ან ხვალ არ მოხდება,თუმცა საქართველომ იმედი უნდა შეინარჩუნოს
13:25 20.04.2019
ნატომ თავისი არსებობის 70 წლის მანძილზე დროს გაუძლო და ისტორიაში ყველაზე წარმატებულ სამხედრო-პოლიტიკურ ალიანსად
ინტერვიუ
ალექსი პუშკოვი: როგორი პოლიტიკა უნდა გაატაროს მოსკოვმა პოსტსაბჭოთა სივრცეში
18:31 15.04.2019
გაზეთ „კომსომოლსკაია პრავდა“-ს კორესპონდენტი ალექსანდრე გამოვი რუსეთის ფედერაციის საბჭოს საინფორმაციო პოლიტიკის
ინტერვიუ
ინტერვიუ მიხეილ სააკაშვილთან: პირველ აპრილს უკრაინაში ჩასვლას ვგეგმავ, ბილეთიც ნაყიდი მაქვს
11:41 13.03.2019
უკრაინის ტელეკომპანია «Наш»-ის გადაცემაში «В гостьях у Дмитрия Гордона» ცნობილი უკრაინელი ჟურნალისტი
ინტერვიუ
ირანული გაზის ტრანზიტი სომხეთის გავლით: როგორი პოზიცია აქვს საქართველოს?
14:33 05.03.2019
ირანში სომხეთის პრემიერ-მინისტრის ნიკოლ ფაშინიანის ამასწინანდელი ვიზიტის დროს, პრეზიდენტ ჰასან რუჰანთან
ინტერვიუ
ინტერვიუ დევიდ სალვოსთან: ჩვენ ხელიდან გავუშვით შესაძლებლობა, რომ გვეპასუხა საქართველოში რუსეთის სამხედრო აგრესიისთვის
14:18 05.03.2019
როგორ ახდენს გავლენას კრემლის მიერ დაფინანსებული და მართული მედია 40-მდე სხვადასხვა ქვეყნის შიდა