ზუგდიდის N4 დაწესებულების პატიმრები ციხის განსაკუთრებული სისასტიკით გამორჩეულ თანამშრომლებს ასახელებენ.

სახალხო დამველის აპარატის ცნობით, საპატიმროში ომბუდსმენის რწმუნებულის ერთ-ერთი ვიზიტისას 7 პატიმარმა მას წერილობითი განცხადება გადასცა, რომელშიც მითითებულია დაწესებულების ყველა ის თანამშრომელი, ვინც უშუალოდ მონაწილეობდა წარსულში სხვადასხვა დროს მათ მიმართ განხორციელებულ არასათანადო მოპყრობაში.

პატიმართა ინფორმაციით, განსაკუთრებული სისასტიკით გამოირჩეოდნენ დაწესებულების დირექტორი ამირან ჯანაშია, დირექტორის ყოფილი მოადგილე დიმიტრი ჯიჭონაია, თანამშრომლები რომეო როგავა, კობა ანთია, გოგიტა გაბისონია, თემურ გოგოლი, ლევან კოდუა, პაპუნა ქირია, გურამ კვარაცხელია, ონისე, რომლის გვარიც არ იციან და იოსავა, რომლის სახელიც არ იციან, ზაზა, რომელიც დირექტორის მძღოლი იყო.

როგორც სახალხო დამცველის აპარატი აცხადებს, ზუგდიდის N4 დაწესებულებაში 19-24 სექტემბერს რამდენიმე მოულოდნელი შემოწმება განახორცელდა. შემოწმების შედეგად დადგინდა, რომ ბოლო დღეების განმავლობაში პატიმრებზე რაიმე სახის ზეწოლა ციხის ადმინისტაციას არ განუხორციელებია.

ომბუდსმენის რწმუნებულის ინფორმაციით, ამ დროისთვის ზუგდიდის N4 დაწესებულებაში მშვიდი ვითარებაა, რაიმე ინციდენტს ადგილი არ ჰქონია. პატიმრებს შესაძლებლობა მიეცათ შაბათ-კვირას ესარგებლათ პაემნისა და ტელეფონზე საუბრის უფლებით.