„ინტრიგას ეძებენ იმაში, რომ ქველმოქმედმა თავისი ქონების და აქტივების დიდი ნაწილი გადასცა საქველმოქმედო ფონდს, როდესაც რადიკალურ ოპოზიციას ინტრიგებით სავსე ტომარა დააქვს ზურგით - მედიას პროკურორ-პროდუსერით მართავენ, რომელიც პირდაპირ აცხადებს, რომ ჟურნალისტებს პოლიტიკური მიზნებით იყენებს; წაგებული პოლიტიკოსები, არჩევნებში გასულ ოპოზიციონერებს მანდატებს ართმევენ; არჩევნების პროფესიონალი გამყალბებლები თავისუფალ არჩევნებზე გვესაუბრებიან და ასე შემდეგ” - ასე გამოეხმაურა საქართველოს პარლამენტის თავმჯდომარე ოპონენტების განცხადებებს ბიძინა ივანიშვილის მიერ აქტივების საქველმოქმედო ფონდ „ქართუსთვის“ გადაცემის თაობაზე.

არჩილ თალაკვაძის შეფასებით, ოპოზიციის ნაწილის მიერ გაკეთებული განცხადებები უბრალოდ სიმდაბლეა - „მით უმეტეს იმ ფონზე, როდესაც საყოველთაოდ ცნობილია, რომ ბიძინა ივანიშვილს და მის ოჯახს ქველმოქმედებაში 3 მილიარდი აქვს დახარჯული და როდესაც ბიძინა ივანიშვილმა ამასთან დაკავშირებით ძალიან ადრე, ჯერ კიდევ წელიწადნახევრის წინ, ისაუბრა და თქვა, რომ გეგმავს საქველმოქმედო ფონდს გადასცეს საკუთარი აქტივები”.