„დედა ენის“ პარკში მიმდინარე საქართველოში დაბრუნებულ ქართველ ემიგრანტთა აქციას კოალიცია „ქართული ოცნების“ ლიდერი ბიძინა ივანიშვილი შეუერთდა.

აქცია რამდენიმე წუთის წინ ახალი სიმღერით - „ჩვენ დავბრუნდებით“ გაიხსნა, რომლის ტექსტის ავტორი ჯანსუღ ჩარკვიანია, ხოლო მუსიკა ჯემალ სეფიაშვილ ეკუთვნის.

„1 ოქტომბერი იქნება ქართველი ემიგრანტების დაბრუნების პირველი ეტაპი“-განაცხადა აქციის ერთ-ერთმა ორგანიზატორმა, არასამთავრობო ორგანიზაცია „ქართველი ემიგრანტები დემოკრატიული საქართველოსთვის“ ხელმძღვანელმა მამუკა ლიპარტელიანმა განაცხადა.

აქციაზე 300-ზე მეტი ადამიანია ადამიანია შეკრებილი.

მსოფლიოს 11 ქვეყნიდან 800-მდე ქართველი ემიგრანტი საქართველოში გუშინ ჩამოვიდა. მათ კოალიცია „ქართულ ოცნებას“ იმ 10 ათასობით თანამემამულის სია გადასცეს, რომლებიც საზღვარგარეთ იმყოფებიან და არჩევნებისთვის რეგისტრაცია ვერ შეძლეს.

ემიგრანტები აცხადებენ, რომ ხელისუფლებამ მათ არჩევნებში მონაწილეობის უფლება წაართვა.