„ქართული ოცნების“ მაჟორიტარი დეპუტატობის კანდიდატი ბათუმში მურმან დუმბაძე „ნაციონალური მოძრაობის“ მაჟორიტარი დეპუტატობის კანდიდატს  ბათუმიდან გიორგი ბარამიძეს დებატებში იწვევს.

„გიორგი ბარამიძეს ნებისმიერ ტელევიზიაში, ნებისმიერი ფორმატის გადაცემაში ვიწვევ დებატებში“ - განაცხადა დუმბაძემ.

არჩევნებამდე 14 დღით ადრე, ბათუმში, ბონის კულტურის სახლში კოალიცია „ქართული ოცნების“ ყრილობა ჩატარდა. მაჟორიტარი დეპუტატობის კანდიდატებმა მოსახლეობის კითხვებს უპასუხეს. როგორც აღინიშნა, წინასაარჩევნოდ მოსახლეობასთან ეს რიგით 220-ე შეხვედრაა.

მურმან დუმბაძემ ადგილობრივებს „ნაციონალური მოძრაობის“ მაჟორიტარი დეპუტატობის კანდიდატები გააცნო და შეახსენა, რომ ბევრი მათგანი, მათ შორის, ხელვაჩაურის, ქობულეთის, შუახევის ყოფილი გამგებლები და ამჟამად, მაჟორიტარი დეპუტატობის კანდიდატები, ასევე, ბათუმის ყოფილი მერი რობერტ ჩხაიძე, ასლან აბაშიძის დროს მაღალი თანამდებობის პირები იყვნენ.