„ქართულ ოცნებაში“ ჟურნალისტ ეკა კვესიტაძის გადაცემა „აქცენტებში“ კოალიციის ლიდერის ბიძინა ივანიშვილის მონაწილეობას დადებითად აფასებენ.

როგორც დღეს გამართულ პრესკონფერენციაზე „ქართული ოცნების“ პრესსპიკერმა მაია ფანჯიკიძემ განაცხადა, გუშინდელი გადაცემა საინტერესო იყო და მსგავსი ტიპის ჯანსაღი დისკუსია ქართულ მედიასივრცეში დიდი ხანია არ ყოფილა.

„ბიძინა ივანიშვილის ინტერვიუ ეკა კვესიტაძესთან მე ძალიან მომეწონა. დიდი ხანია ქართულ მედიასივრცეში ასეთი ცოცხალი, ჯანსაღი კამათი არ მინახავს. ეს გადაცემა იყო ძალიან საინტერესო და იმდენად ენერგიული, რომ ვფიქრობ, მაყურებელი მას ბოლომდე ნახავდა“ - აღნიშნა ფანჯიკიძემ.

ბიძინა ივანიშვილმა „საზოგადოებრივ მაუწყებელზე“ ეკა კვესიტაძის გადაცემა „აქცენტებში“ მონაწილეობა გუშინ საღამოს მიიღო.