„ქრისტიან–დემოკრატიული მოძრაობის“ ვაკის მაჟორიტარი დეპუტატობის კანდიდატი ნინო გურიელი ფალიაშვილის ქუჩაზე მდებარე გეგეშიძის სკვერში მოსახლეობას შეხვდა.

როგორც „ნიუსპრესს“ ქდმ-ს პრესსამსახურიდან აცნობეს, ნინო გურიელმა ადგილობრივებს პარტიის წინასაარჩევნო პროგრამა გააცნო და ყურადღება ქდმ-ს პრიორიტეტებზე გაამახვილა.

მისი განცხადებით, მოსახლეობის ძირითად პრობლემას უმუშევრობა და კომუნალურ გადასახადებზე დაწესებული მაღალი ტარიფები წარმოადგენს.

„დღეს შევხვდი ფალიაშვილის ქუჩის მცხოვრებლებს, რომლებსაც კომუნალურ გადასახადებზე დაწესებული უსამართლოდ გაზრდილი ტარიფები ყოველთიურად საყოფაცხოვრებო ბიუჯეტის ხარჯებს უმძიმებთ. ჩვენი გამარჯვების შემთხვევაში, ქვეყანაში სამართლიანი ტარიფები დაწესდება, რაც თითოეული ოჯახის ცხოვრების პირობებს გააუმჯობესებს“ - განაცხადა გურიელმა.