„როდესაც ამომრჩევლები საარჩევნო ყუთთან აღმოჩნდებიან, თავისუფალი არჩევანი უნდა გააკეთონ. თავისუფალი არჩევანი ჩვენ, ჩვენს საზოგადოებასთან ერთად სწორედ, 2012 წელს მოვიპოვეთ. ეს არის ყველაზე ძვირფასი“, - განაცხადა ნაძალადევის საარჩევნო ოლქის მაჟორიტარი დეპუტატობის კანდიდატმა, მიხეილ ყაველაშვილმა. მისივე თქმით, როცა ამომრჩეველი საარჩევნო ყუთთან განმარტოვდება, მან კარგად უნდა გაანალიზოს „ქართული ოცნების“ ხელისუფლებაში ყოფნის პერიოდი და წინა ხელისუფლების მმართველობა.

„ადამიანებს აქვთ თავისუფალი არჩევანი, მაგრამ მათ აქვთ, ასევე, შედარების საშუალება. დღეს, „ქართული ოცნება“ უალტერნატივოა. სამწუხაროა, რომ ოპოზიციაში არ არიან ისეთი ძალები, რომლებიც კონკურენციას გაგვიწევენ. ჩვენი გამოწვევები, ჯერ კიდევ, ის პრობლემებია, რომელსაც ყოველდღიურად ვეხებით. ამაზე, ჩვენ ღიად ვსაუბრობთ. ჩვენი მთავარი აქცენტი არის ის, რომ ორიენტის ვაკეთებთ ადამიანზე და ჩვენ ეს საქმითაც დავამტკიცეთ“, - აღნიშნა მიხეილ ყაველაშვილმა.