სარეკლამო კომპანიები „ალმა +“ და „აუთდორ.ჯი“ პოლიტიკური სუბიექტებისთვის რეკლამის განთავსების შესაძლებლობის შეზღუდვის შესახებ ინფორამციას უარყოფენ და ამის  დასადასტურებლად პარტიების კომპანიებისადმი მიმართვებს აქვეყნებენ.

როგორც დღეს გამართულ პრესკონფერენციაზე „ალმა+“ -ის დირექტრის მოადგილემ თამარ ნარიმანიძემ და „აუთდორ.ჯი“-ს დირექტორის მოადგილემ კონსტანტინე ჭავჭანიძემ განაცხადეს, კომპანიებმა წინასაარჩევნო სააგიტაციო მასალის განთავსება საარჩევნო კამპანიის დაწყებისთანავე დაიწყეს, მიმდინარე წლის აგვსიტოდან. კონტრაქტების გაფორმება კი, ივლისიდან დაიწყო.

მათი ინფორმაციით, პირველად სააგიტაცაო მასალის განთავსების მოთხოვნით, 7 აპრილს კომპანიებს „რესპუბლიკურმა პარტიამ“ მიმართა. კომპანიებმა მათ ხელახალი მიმართვის გაკეთება ივლისში ურჩიეს, იმ მიზეზით, რომ მიმართვის პერიოდში თავისუფალი სარეკლამო ადგილები არ არსებობდა. ისინი სხვადასხვა სტრუქტურების მიერ ევროპის ჩემპიონატთან და ოლიმპიურ თამაშებთან დაკავშირებით იყო დაკავებული. მეორე მხრივ კი, მათი განმარტებით, საარჩევნო კამპანია დაწყებული არ იყო და უპირატესობა კომერციულ რეკლამას ენიჭებოდა.

კომპანიების წარმომადგენელთა ინფორმაციით, მიუხედავად შეთავაზებისა, არც „რესპუბლიკურ პარტიას“ და არც მასთან დაკავშირებლ რომელიმე პოლიტიკურ სუბიექტს ივლისში აღარ მიუმართავს.

მათივე ცნობით, მხოლოდ 21 აგვისტოს „აუთოდრ.ჯი-ს“ მიმართა კოალიცია „ქართული ოცნების“ მაჟორიტარი დეპუტატობის კანდიდატმა თეა წულუკიანმა, ხოლო 22 აგვისტოს - ამავე კოალიციის ფოთის მაჟორიტარი დეპუტატობის კანდიდატის ეკა ბესელიას წარმომადგენელმა.

სარეკლამო კომპანიების წარმომადგენლების განმარტებით, მოლაპარაკებების წარმატებით დასრულების მიუხედავად, „აუთდორ.ჯი“-მ თეა წულუკიანისგან 31 აგვისტოს უარი მიიღო იმ მოტივით, რომ მათი კოალიციის სხვა კანდიდატებს აგიტაციის შესაძლებლობა ეზღუდებოდათ.

„ეს არ შეესაბამება სინამდვილეს, რადგან საარჩევნო ბლოკ „ბიძინა ივანიშვილი-ქართული ოცნებას“ ჯერ კიდევ 27 აგვისტოს, მათივე თხოვნით, „აუთდორ.ჯი“-ს მიერ გაეგზავნა ინფორმაცია იმ დროისთვის თავისუფალ სარეკლამო საშუალებებთან დაკავშირებით, იმ დათქმით, რომ აღნიშნული სიის განახლება ყოველდღიურად ხდებოდა“ - აცხადებენ სარეკლამო კომპანიების წარმომდგენლები და აღნიშნავენ, რომ ეკა ბესელიამ შეთავაზება გამოიყენა და პირველი სექტემბრიდან მისი სააგიტაციო მასალა ფოთშია განთავსებული.

ასევე, მათი თქმით, „ქართული ოცნების“ სააგიტაციო მასალა 8 სექტემბრიდან განთავსებულია ზუგდიდშიც.

რაც შეეხება „ნაციონალურ მოძრაობას“ კომპანიების წარმომადგენლთა განმარტებით, პარტიამ მასალის განთავსების მოთხოვნით „აუთდორ.ჯი“-ს 9 ივლისს მიმართა და იმ დროისთვის არსებული თავისუფალი სარეკლამო საშუალებების მნიშვნელოვან ნაწილზე კონტაქტების დადება მოითხოვა, ხოლო სააგიტაციო მასალის განთავსება 17 აგვისტოდან დაიწყო.

„ქრისტიან დემოკრატიულმა“ მოძრაობამ „აუთდორ.ჯი“-ს 1 აგვისტოს მიმართა და მისი სააგიტაციო მასალის განთავსება 1 სეტქმებრიდან დაიწყო. რაც შეეხება პარტია „თავისუფალ საქართველოს“ სარეკლამო კომპანიების წარმომადგენლების ინფორმაციით, პარტიამ „აუთოდრ.ჯი“ სა და „ალმა +“-ს 28 აგვსიტოს მიმართა, მათი მოთხოვნა სრულად დაკმაყოფილდა და სააგიტაციო მასალის განთავსება 10 სექტემბრიდან დაიწყო.

„აუთდრო.ჯი“-სა და „ალმა+“-ის წარმომადგელების თქმით, დასახელებული ფაქტების გარდა, არცერთ სხვა მიმართვას ადგილი არ ჰქონია.