სამოქალაქო საზოგადოებისა და დემოკრატიის განვითარების ცენტრის ხელმძღვანელი ვლადიმერ ბოჟაძე ტელეწამყვან ნანუკა ჟორჟოლიანის მიერ გამოქვეყნებულ პოსტს ეხმიანება, სადაც ჟორჟოლიანმა 2006 წელს გარდაცვლილი სანდრო გირგვლიანისა და გიორგი შაქარაშვილის გარდაცვალების ფაქტები ერთმანეთს შეადარა.

ბოჟაძის განმარტებით, ნაცვლად იმისა, რომ „ნაციონალური მოძრაობა“ სხვადასხვა ტრაგედიის გამო ბოდიშებს იხდიდეს, აგერ უკვე მერვე წელია ცდილობს თითქოსდა პარალელების გავლებას სხვადასხვა ტრაგედიებსა და თარიღებს შორის:

„ნაციონალური მოძრაობა", „გაქცეული პრეზიდენტი" და მათი ზონდერ-ჟურნალისტები, იმის მაგივრად რომ გირგვლიანის, რობაქიძის, 7 ნოემბერის, 26 მაისისა და სხვა უამრავი ტრაგედიის გამო ბოდიშებს იხდიდნენ, აგერ უკვე მერვე წელია ცდილობენ თითქოსდა პარალელების გავლებას სხვადასხვა ტრაგედიებსა და თარიღებს შორის. ახლა უკვე „მაჟორიტარობის კანდიდატის" მეუღლის შეკვეთით კუდის მიერ მოკლული გირგვლიანის საქმის შედარება (იხილეთ სტრასბურგის გადაწყვეტილება) შაქარაშვილის ტრაგედიასთან არის სამარცხვინო მცდელობა კიდევ ერთხელ არ აღიარო „ნაცმოძრაობის" სისტემური დანაშაული და დაანახო საზოგადოებას, რომ განა მხოლოდ არ ინანიებ ცოდვებს, არამედ (ღმერთმა და ამომრჩეველმა არ ქნას არასდროს) ხელისუფლებაში დაბრუნების შემთხვევაში მზად ხარ 100-ჯერ მეტი უბედურება დაატრიალო“, - აღნიშნავს ბოჟაძე.

ცნობისთვის, 19 ივ­ნისს გი­ორ­გი შა­ქა­რაშ­ვი­ლის და­კარ­გვის შე­სა­ხებ ოჯახ­მა ში­ნა­გან საქ­მე­თა სა­მი­ნის­ტროს მი­მარ­თა. პო­ლი­ცი­ამ, სა­მაშ­ვე­ლო სამ­სა­ხურ­თან ერ­თად, შე­ტყო­ბი­ნე­ბის მი­ღე­ბის­თა­ნა­ვე და­ი­წყო სამ­ძებ­რო სა­მუ­შა­ო­ე­ბი, რომელიც 4 დღე გაგრძელდა. მყვინ­თა­ვებ­მა ფეხ­ბურ­თელ გი­ორ­გი შა­ქა­რაშ­ვი­ლის ცხე­და­რი წყალ­ში იპო­ვეს. შაქარაშვილის გარდაცვალების საქმეზე 17 პირი დააკავეს. დაკავებულებს ედავებიან ხულიგნობას, დანაშაულის შეუტყობინებლობას, ძალადობას, ძალადობის ორგანიზებას, მასში მონაწილეობას, რასაც თან ახლდა რბევა, იარაღის გამოყენება, სახელმწიფო წარმომადგენლებისადმი წინააღმდეგობის გაწევა. 27 ივნისს შაქარაშვილის გარდაცვალების საქმეზე დაკავებულ 17-ვე პირს ბრალი წაუყენეს.

დღეს, 28 ივნისს, ტელეწამყვანმა ნანუკა ჟორჟოლიანმა საკუთარ ფეისბუქგვერდზე პოსტი გამოაქვეყნა, სადაც მან 2006 წელს გარდაცვლილ სანდრო გირგვლიანისა და გიორგი შაქარაშვილის გარდაცვალებას პარალელი გაავლო. მოგვიანებით ტელეწამყვანმა პოსტი წაშალა.