1 ოქტომბერი ჩვენი მტრის ბოლო გაფართხალებაა, ბოლო გაბრძოლება, ბოლო იმედი, ბოლო რუბიკონი, რომელსაც საქართველო სამეგრელოსთან ერთად წარმატებით გადალახავს.

ამის შესახებ საქართველოს პრეზიდენტმა მიხეილ სააკაშვილმა დღეს ზუგდიდში, „ერთიანი ნაციონალური მოძრაობის“ ყრილობაზე განაცხადა.

სააკაშვილის თქმით, ერთ-ერთი რეგიონი, სადაც „ვერანაირმა უწმინდურმა ძალამ თავისი დინგი ვერ შემოყო და ვერ აფათურა ბინძური ხელი, ხალხი ვერ დააშინა და ვერავის მოსყიდვა და მოტყუება ვერ შეძლო, ისტრიულად იყო და არის სამეგრელო.“

„ჩვენ არა მხოლოდ ერთიანები, არამედ ოპტიმისტები ვართ. ყველაზე ოპტიმისტი ხალხი ვცხოვრობთ აქ. რამ არ გადაიარა ჩვენს თავზე. ყველა სხვა კუთხეს, სხვადასხვა ქვეყნებში, შეიძლება გული აეცრუებინა, მაგრამ თქვენ ერთხელ არ გაბრაზებულხართ თქვენს ქვეყანაზე, ერთხელ არ ჩაგიქნევიათ ხელი თქვენი შვილების მომავალზე. პირიქით, ყველა გაჭირვება მეტი ძალით გვავსებდა, ყველა უბედურება კი - წინააღმდეგობის მეტი სურვილით“- განაცხადა სააკაშვილმა და აღნიშნა, რომ ამჯერად მთელი საზოგადოება უნდა გაერთიანდეს, რათა თითოეულმა ქართულმა ოჯახმა მეტი სარგებელი მიიღოს.