საქართველოს პრეზიდენტმა მიხეილ სააკაშვილმა შვედეთისა და პოლონეთის საგარეო საქმეთა მინისტრებს ყვარელში საკუთარ კარ-მიდამოში უმასპინძლა.

კარლ ბილდტსა და რადოსლავ სიკორსკის მიხეილ სააკაშვილი ქართულ ტრადიციებზე ესაუბრა. პრეზიდენტთან ერთად, მათ, სიმბოლურად რთველშიც მიიღეს მონაწილეობა და ყურძენიც დაწურეს.

ყვარელში ქვეყნის პირველმა პირმა ფიჯის საგარეო საქმეთა მინისტრიც მიიღო. ქართული ღვინისა და ჭაჭის დაყენების ტექნოლოგია მიხეილ სააკაშვილმა რატუ ინოკე კუბუაბულასაც გააცნო და მას ყურძნის ქართული ჯიშების უნიკალურობაზე ესაუბრა.

სხვადასხვა ქვეყნების საგარეო საქმეთა მინისტრები საქართველოში ამბასადორიალის ფარგლებში იმყოფებიან.