საქართველოს დიპლომატიური კორპუსისა და პრემიერ-მინისტრის ვანო მერაბიშვილის თბილისში მიმდინარე ამბასადორიალის ფარგლებში დაგეგმილი შეხვედრა არ შედგა.

შეხვედრა პროგრამის მიხედვით 18:15 საათზე იყო დაგეგმილი, თუმცა, პრემიერი სასტუმრო „რედისონ ბლუ ივერიაში“ არ მივიდა.

ამ წუთებში ელჩებს საქართველოს თავდაცვის მინისტრი დიმიტრი შაშკინი ხვდება.

როგორც შაშკინმა შეხვედრამდე ჟურნალისტებს განუცხადა, ძალიან მნიშვნელოვანია, რომ ელჩებს თავდაცვის სისტემაში მიმდინარე რეფორმების შესახებ სრული ინფორმაცია ჰქონდეთ.

მინისტრის თქმით, განსაკუთრებით მნიშვნელოვანია საქართველოსა და აშშ-ს შორის ორმხრივი ურთიერთობა და იმ შეთანხმების იმპლემენტაცია, რომელიც ორ პრეზიდენტს - სააკაშვილსა და ობამას შორის იყო მიღწეული თავდაცვის სფეროში თანამშრომლობის გაღრმავების კუთხით და რომლის განხორციელება სექტემბერში იწყება.