„მოვუსმენთ ყველას, მოვუსმენთ ეკლესიის წარმომადგენლებს. ჯერჯერობით არაფერი არ არის გადაწყვეტილი არავის მხრიდან. სწორედ ამას სჭირდება კონსულტაციეები. როდესაც ჩვენ ვსაუბრობთ შემდგომ დღეებზე, არა მხოლოდ აღდგომის დღესსწაულზეა საუბარი, არამედ წინა დღეებზეც. თითოეულ ამ საკითხთან დაკავშირებით ჩვენ გვექნება კონსულტაციები და ამ კონსულტაციების საფუძველზე უნდა ჩამოვყალიბდეთ ისეთ გადაწყვეტილებაზე, რომელიც ყველაზე მეტად წაადგება საერთო ინტერესებს და საერთო ინტერესი არის ის, რომ მაქსიმალურად მოვახერხოთ ეპიდემიის გავრცელების პრევენცია“ -ამის შესახებ საპარლამენტო უმრავლესობის წევრმა ირაკლი კობახიძემ ტელეკომპანია „რუსთავი-2“-ის ეთერში განაცხადა.

ირაკლი კობახიძის განცხადებით, საგანგებო რეჟიმის კონკრეტული წესები არის გაწერილი, მათ შორის იმასთან დაკავშირებით, თუ როგორი უნდა იყოს დისტანცია ადამიანებს შორის შეკრების და თავშეყრის დროს.მისივე თქმით, ეს წესები უნდა იყოს დაცული ნებისმიერ დროს.

„ეს არის ძალიან მგრძნობიარე საკითხი. ჩვენ ვიხილეთ გუშინ ვითარება, როდესაც არაერთ ადგილას დაირღვა საგანგებო რეჟიმით გათვალისწინებული შეზღუდვები, რაც არის მიუღებელი და ასეთ დროს რასაკვირველია ხელისუფლებას ექნება შესაბამისი რეაგირება. სადაც კონკრეტულ შემთხვევებში იქნება საგანგებო რეჟიმის დარღვევა, იქ ბუნებრივია იქნება რეაგირება და რეაგირების ზომაც არის გაწერილი შესაბამის სამართლებრივ აქტებში.რაც შეეხება მომდევნო დღეების განმავლობაში იმას, თუ როგორ უნდა წარიმართოს პროცესები, ამასთან დაკავშირებით გვექნება კონსულტაციები“,-განაცხადა ირაკლი კობახიძემ.