საარჩევნო ბლოკ „ბიძინა ივანიშვილი - ქართული ოცნების“ ზუგდიდის მაჟორიტარი დეპუტატობის კანდიდატი ირაკლი ალასანია წინასაარჩევნო კამპანიის ფარგლებში სოფელ ტყაიას მაცხოვრებლებს შეხვდა.

ალასანიამ მხარდამჭერებს კოალიციის წინასაარჩევნო პროგრამა გააცნო, განსაკუთრებული ყურაღება კი, ზუგდიდის განვითარებაში ასი მილიონის ჩადებასა და იაფ კრედიტებზე გაამახვილა, რომელსაც კოალიცია გამარჯვების შემთხვევაში ზუგდიდს გამოუყოფს.

„ზუგდიდი დაიბრუნებს ისტორიულ ფუნქციას. ასევე, აუცილებელია აფხაზეთთან აღვადგინოთ ძმობა, რომელსაც ვაჭრობით, კომუნიკაციით და სხვადასხვა პროექტების განხორციელებით შევძლებთ. სააკაშვილისგან გასხვავებით მშვიდობიან გზას ვირჩევთ და ზუგდიდელებს ვაძლევთ საშუალებას აირჩიონ წარსული, განადგურებული სოფლის მეურნეობა, ჩიხში შესული ზუგდიდი, ან მომავალი, რეალურად გათვლილი ეკონომიკური პროექტებით“ - განაცხადა ალასანიამ.