ცენტრალურ საარჩევნო კომისიაში საარჩევნო სუბიექტების მიერ წარდგენილი პარტიული სიების და მაჟორიტარულ ოლქებში წარდგენილი კანდიდატების რეგისტრაციის  პროცესი 6 სექტემბერს დასრულდება.

აღნიშნული პროცედურის დასრულების შემდეგ კომისია პარტიულ სიებს და მაჟორიტარობის კანდიდატთა მონაცემებს გამოაქვეყნებს.

საარჩევნო სუბიექტების მიერ პარტიული სიების წარდგენის ვადა გუშინ ამოიწურა.

სიები საპარლამენტო არჩევნებში მონაწილე 17-ვე საარჩევნო სუბიექტმა წარადგინა - „სამართლიანი საქართველოსთვის”, „თავისუფლება - ზვიად გამსახურდიას გზა”, „ჩვენი ქვეყანა”, „ჯონდი ბაღათურია-ქართული დასი’’, „ახალი მემარჯვენეები”, „მერაბ კოსტავას საზოგადოება”, „მომავალი საქართველო”, „საქართველოს მშრომელთა საბჭო”, „ბიძინა ივანიშვილი-ქართული ოცნება”, ეროვნულ-დემოკრატიული პარტია, „კახა კუკავა - თავისუფალი საქართველო”, „სახალხო მოძრაობა”, „გიორგი თარგამაძე - ქრისტიან-დემოკრატიული გაერთიანება”, „ერთიანი ნაციონალური მოძრაობა - მეტი სარგებელი ხალხს“, „შალვა ნათელაშვილი - საქართველოს ლეიბორისტული პარტია”, „სახალხო პარტია”, „საქართველოს სპორტსმენთა კავშირი”.

ცესკო მოუწოდებს კანდიდატებს, რომელთა თანამდებობებიც შეუთავსებელია პარლამენტის წევრობის კანდიდატის სტატუსთან, რეგისტრაციაზე განაცხადების წარდგენიდან ორი დღის ვადაში გადადგნენ ან გათავისუფლდნენ დაკავებული თანამდებობებიდან.