„ქრისტიან-დემოკრატიული მოძრაობის“ ბათუმის მაჟორიტარი დეპუტატობის კანდიდატები პარლამენტში ბათუმის მეზღვაურთა საავადმყოფოს დირექტორი ირაკლი ნარაკიძე,  ხოლო აჭარის უმაღლეს საბჭოში ქდმ-ის აჭარის ორგანიზაციის ხელმძღვანელი ნიაზ ზოსიძე იქნებიან.
როგორც გიორგი თარგამაძემ აღნიშნა ორივე კანდიდატი თავიანთი სოლიდურობის, ავტორიტეტისა და პროფესიონალიზმის კუთხით შეირჩა.
„ორივე არჩევნები, როგორც საქართველოს პარლამენტის, ასევე აჭარის უმაღლესი საბჭოსი, „ქრისტიან-დემოკრატიული მოძრაობისთვის“ ძალზედ მნიშვნელოვანია. ჩვენი პარტია წარდგენილი კანდიდატების საშუალებით ღირსეულად ვიბრძოლებთ გამარჯვებისთვის“ - განაცხადა გიორგი თარგამაძემ.
ქდმ-ის ლიდერმა იმედი გამოთქვა, რომ ბათუმელები პირველ ოქტომბერს სწორ არჩევანს გააკეთებენ და საკანონმდებლო ორგანოში ღირსეულ კანდიდატებს აირჩევენ.