ინფორმაცია იმის შესახებ, რომ „ერთიანი ნაციონალური მოძრაობა“ პარტიულ სიაში 21 წლის ახალგაზრდის შეყვანას აპირებდა, ოფიციალურად დადასტურდა.

სიაში, რომელიც მმართველმა პარტიამ ცენტრალურ საარჩევნო კომისიაში წარადგინა, მეათე ადგილს Summer job-ის ყოფილი სპიკერი, 21 წლის მარიამ საჯაია იკავებს.

გავრცელებული ინფორმაციით, საჯაია პარლამენტის ყოფილი დეპუტატის ნაზი არონიას ქალიშვილია.

„ერთიანი ნაციონალური მოძრაობის“ პარტიული სიის პირველი ათეული კი ასე გამოიყურება: დავით ბაქრაძე, პეტრე ცისკარიშვილი, გიორგი ბარამიძე, თინათინ ბოკუჩავა, გიორგი თევდორაძე, ჩიორა თაქთაქიშვილი, მიხეილ მაჭავარიანი, გიორგი ვაშაძე, დავით საყვარელიძე და მარიამ საჯაია.

აღსანიშნავია, რომ რამდენიმე თვის წინ კონსტიტუციაში შევიდა ცვლილება, რომლის თანახმადაც სადეპუტატო ასაკობრმა ცენზმა 25-დან 21 წლამდე დაიწია.