ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი თორნიკე გორდაძე სამუშაო ვიზიტით სლოვენიაში მიემგზავრება.

როგორც „ნიუსპრესს“ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატიდან აცნობეს, ქალაქ ბლედში მეშვიდე ყოველწლიური სტრატეგიული ფორუმი იმართება.

სახელმწიფო მინისტრის აპარატის ინფორმაციით, ვიზიტის ფარგლებში, დაგეგმილია თორნიკე გორდაძის ორმხრივი შეხვედრები სლოვაკეთის რესპუბლიკის ვიცე პრემიერ-მინისტრთან, საგარეო საქმეთა მინისტრ მიროსლავ ლაიჩაკთან, სლოვენიის რესპუბლიკის საგარეო საქმეთა მინისტრ იგორ სენჩართან და ევროპარლამენტარ ტანია ფეონთან.

გორდაძე ასევე, ეუთოს გენერალურ მდივან ლამბერტო ზანიერის, მსოფლიო სავაჭრო ორგანიზაციის გენერალური დირექტორის მოადგილე ალეხანდრო იარას, მეწარმეთა ხელშეწყობის საერთაშორისო ცენტრის გენერალური დირექტორის მოვალეობის შემსრულებელ იანეზ პოდობნიკსა და აღმასრულებელ დირექტორ ტომაზ როგელს შეხვდება.