პარლამენტის განათლების მეცნიერებისა და კულტურის კომიტეტის თავმჯდომარე, მარიამ ჯაში სავარაუდოდ იმ შვიდი დეპუტატის მსგავს ნაბიჯს გადადგამს, რომლებმაც საპარლამენტო უმრავლესობა უკვე დატოვეს.

მარიამ ჯაშის პოლიტიკური ტემპერატურის აწევა მოსალოდნელი იყო და ეს ბუნებრივია, ვინაიდან, პოლიტიკური სპექტრი მოლოდინში იყო, რომ „დადებითი პოზიციით“ მოხდებოდა ამ გადაწყვეტილების დამტკიცება.

„ვფიქრობ, ამ ეტაპზე მაქსიმალურად უნდა მოხდა სიმშვიდის შენარჩუნება და ბუნებრივია, სამართლებრივ ჩარჩოებს საპროტესტო აქცია არ უნდა გაცდეს. რაც შეეხება სამომავლო გეგმებს, ჩემი მხრიდან, ნაადრევია მოსაზრების გამოთქმა, ვინაიდან მე დარწმუნებული ვიყავი, რომ დავამტკიცებდით ამ ცვლილებას და არც მქონდა მოფიქრებული რაიმე ალტერნატიული ნაბიჯი. მე მექნება საუბარი ჩემს კოლეგებთან, რომელთაც უმრავლესობა დატოვეს. ჩემთვის მნიშვნელოვანია დავრჩე დამოუკიდებელ დეპუტატად. მე ჩემი სამაჟორიტარო ოლქის ფარგლებში აქტიურ მუშაობას გავაგრძელებ. თითოეული ჩვენგანის მიზანია პოლიტიკურ ასპარეზზე სიმშვიდე შევინარჩუნოთ. ჩემთვის მთავარია, რომ როგორც მაჟორიტარმა და განათლებისა და ჯანდაცვის მიმართულებით მომუშავე დეპუტატმა ვეცადოთ მხოლოდ დადებითი ნაბიჯები გადავდგათ“-განაცხადა ჯაშმა.