საპარლამენტო უმრავლესობის წევრი, დავით მათიკაშვილი გენერალურ პროკურატურაში სახელმწიფო უსაფრთხოების სამსახურის ყოფილი უფროსი ვახტანგ გომელაურის, მისი ყოფილი მოადგილე სოსო გოგაშვილის და სუს-ის ანტიტერორისტული ცენტრის ხელმძღვანელის ირაკლი ჩიმაკაძის გამოკითხვას გამოეხმაურა.

"მაღალჩინოსნების გამოკითხვის ფაქტში არაფერია გასაკვირი. სწორედ ეს არის ჩვენი ხელისუფლების მიერ დამკვიდრებული უმაღლესი სტანდარტი, როდესაც ხელისუფლების მაღალი თანამდებობის პირები თავად არიან იმის მაგალითი, თუ როგორ უნდა დავიცვათ კანონის უზენაესობა და როგორ უნდა შევუწყოთ ხელი გამოძიებას. ამ კონკრეტულ შემთხვევაში კი იმედის მაქვს, რომ გამოძიება სწრაფად დადებს შედეგს და სიმართლესაც ნათელი მოეფინება“, - განაცხადა დავით მათიკაშვილმა.